A Casa das Ciencias é un museo cultural de carácter científico ubicado no Parque de Santa Margarida. O edificio ten unha planta octogonal, cunha base exterior que é un pórtico de pedra. Ten unha superficie de exposición de 1.000 m². O acceso a todas as plantas realízase mediante unha escaleira central, que describe unha ampla hélice, e que chega ata o Planetario. A cúpula semiesférica do edificio alberga o Planetario que conta cun proxector analóxico e outro dixital.